Hâsılım yok ser-i kûyunda belâdan gayrı
Garazım yok reh-i aşkında fenâdan gayrı
*
Ney-i bezm-i gamem ey mâh ne bulsan yele ver
Oda yanmış kuru cisminde hevâdan gayrı
*
Perde çek çehreme hicrân günü ey kanlu sirişk
Ki gözüm görmeye ol mâhlikâdan gayrı
*
Ne yanar kimse bana âteş-i dilden özge
Ne açar kimse kapım bâd-ı sabâdan gayrı
*
Yetti bîkesliğim ol gâyete kim çevremde
Kimse yok çevrile girdâb-ı belâdan gayrı
*
Bozma ey mevc gözüm yaşı habâbın ki bu seyl
Komadı hiç imâret bu binâdan gayrı
*
Bezm-i aşk içre Fuzûli nice âh eylemeyem
Ne temettu' bulunur bende sedâdan gayrı .